ХӨХ ТОМРУУЛАХ МЭС ЗАСЛЫН ТУХАЙ

ХӨХ ТОМРУУЛАХ МЭС ЗАСЛЫГ ЯАЖ ХИЙДЭГ ВЭ?

Хөх томруулах мэс засал нь хэт жижиг хөхийг томруулах зорилгоор хийггддэг мэс засал юм. Төрлөхийн хөхний хөгжил дутуу, жин хассанаас эсвэл төрсөний дараа хөх жижигэрсэн эсвэл гэмтэл, хөхний хавдарын мэс заслаас болж хөхний хэлбэр өөрчлөгдсөн тохиолдолд энэхүү мэс заслыг хийдэг.

Мэс заслын өмнө

1. Цус шингэрүүлэх үйлчилгээтэй эм, эмийн бүтээгдэхүүн хэрэглэж байгаа бол мэс заслын өмнө 1-2 долоо хонгийн өмнө эмээ зогсоох шаардлагатай.
2. Биений юм ирэхээс өмнө 2 долоо хонгийн турш гормонын нөлөөтэйгөөр хөхний зөөлөн эд хэсэг хугацаанд хөөдөг ба энэ үед мэс засал хийвэл хөхөнд цус хурах аюултай тул болж өгвөл энэ үед мэс засал хийлгэхээс зайлсхийгээрэй.
3. Мэс засал ихэвчлэн бүтэн биеийн мэдээ алдуулалттайгаар хийгддэг учир мэс заслын өмнө цус, шээсний шинжилгээ, цээжний рентген зураг, зүрхний бичлэг зэрэг шинжилгээг заавал хийх шаардлагатай.
4. Мэс заслын өмнө мэргэжлийн эмчээс зөвлөгөө авч хөхний хэлбэр, байрлал, хэмжээ зэргийг нарий тодорхой тооцоолох нь чухал. Энэ хэмжээсүүд нь мэс заслын төлөвлөгөөг гаргахад маш чухал үүрэг гүйцэтгэдэг. Хоёр хөхний хэмжээ болон байрлал, тэгш хэмтэй байгаа эсэх, хөхний арьсны зузаан, сүүний булчирхайн хөгжил хэр зэрэг байгаа эсэх, цээжний булчингийн хөгжил, хөх унжсан эсэх, хөх болон суганы булчирхайнд ургацаг баригдаж байгаа эсэхийг сайтар шалгаж үзэх шаардлагатай. Ялангуяа 40-с дээш настай, гэр бүлийн хэн нэгэн хөхний хорт хавдараар өвчилж байсан, хөх болон суганы булчирхайд ургацаг мэдрэгдэж байга бол мэс заслын өмнө mammography буюу хөхний нарийвчилсан зургийг заавал авхуулж эрүүл байгаа эсэхийг шалгах хэрэгтэй.

Мэс заслын арга

Мэс заслын өмнө эмч болон үйлчилүүлэгч нь имплантын хэмжээ, төрөл, хаана байрлуулах, зүсэлтээ хаагуур хийх эсэхийг сайтар зөвшилцсөний дараа шийдэх шаардлагатай.

1. Имплантын байрлалыг сонгох

Сүүний булчирхайн доор байрлуулах / цээжний булчингийн дээр /

Сүүний булчирхайн доор байрлуулах арга нь хөхний зөөлөн эд болон арьс тодорхой хэмжээнд зузаан байгаа тохиолдолд тохиромжтой. Хөхний зөөлөн эд хэт жижиг бол энэ байрлалд имплантыг суулгахад имплант арьсны доороос мэдрэгддэг. Хөх дунд хэмжээний унжилттай байгаа тохиолдолд имплантыг сүүний булчирхайн доор байрлуулсанаар хөхний унжилт бага зэрэг засарч өгөхөөс гадна төрлөхийн мэт харагддаг. Биеийн тамираар хичээллэдэг, цээжний булчин хэт хөгжсөн тохиолдолд имплантыг булчингийн доор байрлуулбал дасгал хийх үед булчин агшихад имплантын хэлбэр өөрчлөгдөх магадлалтай байдаг. Тиймээс булчингийн дээр, сүүний булчирхайн доор байрлуулах нь илүү тохиромжтой байдаг. Энэ аргаар мэс засал хийхэд имплант байрлуулах уутыг бий болгоход хялбар, мэс заслын дараах хөхний хэлбэр төрлөхийн мэт болдог ч мэс заслын дараа имплантын гадуур үүссэн хальсан бүрхэвч агшиж хөхний хэлбэр алдагдах хам шинж илрэх магадлал илүү өндөр байдаг.

Цээжний булчингийн доор байрлуулах

Цээжний их булчингийн доор имплантыг суулгах арга нь нимгэн арьстай, сүүний булчирхай жижигтэй туранхай хүмүүст тохиромжтой байдаг. Имплантын гадуур үүссэн хальсан бүрхэвч агшиж, хөхний хэлбэр өөрчлөгдөх сөрөг нөлөө хамгийн бага илэрдэг бөгөөд гаднаас харахад мэс засал хийсэн нь мэдэгдэх, арьсны цаанаас ипмлант мэдрэгдэх гэх мэт сөрөг нөлөө бага байдаг. Мөн сүүний булчирхайд хүрдэгггүй учир мэс заслын дараа хөхний дуран, хөхний эдийн шинжилгээ хийхэд саад болдоггүй. Гэвч хөх унжилттай үед энэ аргийг хэрэглэвэл хөх таслагдаж харагддаг талтай. Энэ төрлийн аргын сул тал нь цээжний булчин агших үед имплант дарагдаж хэлбэр нь өөрчлөгдөх, мэс заслын дараа бусад аргыг бодоход өвдөл арай илүү байдаг явдал юм.

Dual plane арга

Дээр дурдсан 2 төрлийн мэс заслын аргын давуу талуудыг агуулсан хамгийн орчин үеийн мэс заслын арга юм. Имплантын дээд хэсгийг цээжний булчингийн доор, доод хэсгийг сүүний булчирхайн доор байрлуулдаг.  Энэ аргаар мэс засал хийвэл хөхний доод хэсгийн хэлбэр төрлөхийн мэт болох бөгөөд хөхний унжилт ч гэсэн тодорхой хэмжээгээр засрахаас гадна булчингийн агшилтаас болж имплантын хэлбэр өөрчлөгдөхөөс сэргийлж чаддаг.

2. Ипмлантын хэлбэр

Бөөрөнхий имплант

Имплантын төв хэсэг хамгийн өндөр байх бөгөөд төвөөс захруугаа насаж, ууссан хэлбэртэй байдаг.

Усан дусал имплант

Имплантын дээд хэсэг нь намхан, доошлох тусмаа өндөрссөн хэлбэртэй байдаг.

3. Имплантын гадаргуу

Усан дусал имплант нь имплантын байрлал өөрчлөгдөхөөс сэргийлж барзгар гадаргуутайгаар хийгддэг. Мөн барзгар гадаргуутай имплант нь гөлгөр гадаргуутай имплантыг бодвол имплантын гадуурх хальсан бүрхэвч агшиж хөхний хэлбэр өөрчлөгдөх сөрөг нөлөө бага илэрдэг. Гэвч имплантын гадаргуу нь барзгар хатуу байдаг тул арьсны доороос мэдрэгддэг сул талтай. Эсэргээрээ гөлгөр гадаргуутай имплант нь арьсны доороос мэдрэгдэх нь бага боловч хальсан гадаргуу агшиж хөхний хэлбэр өөрчлөгдөх магадлал хамгийн өндөр байдаг. Харин орчин үед энэхүү 2 имплантын зөвхөн давуу талуудыг нэгтгэн гаргаж авсан Microtexture имплантыг ашиглаж мэс засал хийсэнээр эдгээр сөрөг нөлөөнүүдээс урдчилан сэргийлэх боломжтой болсон.

4. Зүсэлтийн байрлал

Хөхний доогуур зураасаар зүсэх

Хөхний доогуур зураасаар зүсэж мэс засал хийхэд имплантыг аль ч байрлалт суулгах тохиромжтойгоос гадна имплантыг байрлуулах явцыг нүдээрээ шалгах боломжтой байдаг. Хөхний доогуур зураасаар зүсэхдээ дунджаар 3-5 см зүсэлт хийдэг бөгөөд эдгэсэний дараа сорви бага харагддаг.

Хөхний толгойг тойруулан зүсэх

Хөхний толгойн доод хэсгийг тойруул U хэлбэрээр 3-4 см зүсэлт хийдэг бөгөөд имплантыг аль ч байрлалд байрлуулах боломжтой. Хөхний толгойг тойруулан зүсдэг учраас сорви бараг мэдэгдэхгүй давуу талтай ч хэт жижиг толгойтой хүнд тохиромжгүй. Мэс заслын дараа хэсэг хугацаанд хөхний толгойн мэдрэмж алдагдах магадлалтай.

Сугаар зүсэх

Суганы үрчлээсийг дагуулж 4-5см урттай зүсэх бөгөөд мэс заслын дараах сорви нүдэнд бараг тусахгүй давуу талтай. Имплант байрлуулах хэсэг болон зүсэлт хийсэн хэсгийн зай хол байдаг тул имплантыг суулгах замыг үүсгэх явцад цус алдалт их үүсэхээс гадна имплантыг байрлуулах явцыг нүдээр шалгах боломжгүй байдаг тул хөх хоёр өөр болох магдлалтай байдаг.

Дээрх аргуудын аль нэгээр зүсэлт хийж имплант байрлуулах зайг гаргаж өгөн, хангалттай хэмжээнд цусыг тогтоож өгсөний дараа мэс заслын өмнө сонгосон имплантыг хөхөнд байрлуулдаг. Энэ үед шаарлагатай бол цус гадагшлуулах гуурсыг байрлуулж үлдсэн цусыг бүрэн гадагшлуулсаныд дараа гуурсыг авдаг.

Мэс засал шаардагдах хугацаа

Мэс засалд дунджаар 2-3 цаг шаарддаг боловч зүсэлтийн арга, имплантын байрлалаас шалтгаалж мэс засалд шаардагдах цаг харилцан адилгүй байдаг.

Мэс заслын дараах эдгэх явц

Мэс засал хийсэн өдрөөс мэс заслын дараа 7 дахь өдөр хүртэл үрэвсэлийн эсрэг эм болон өвчин намдаах эм ууна. Мэс заслын дараа 7-14 хоноод оёдлыг авна. Эхний 2-3 өдөр хамгийн их өвдөх ба үүнээс хойш өвдөлт бага багаар намддаг.

Мэс заслын дараа анхаарайх зүйл

Мэс заслын дараа 4 долоо хоног орчим хүнд дасгал хөдөлгөөн хийх, хүнд юм өргөж болохгүй.

Эхний 1 сар зориулалтын хөхний даруулгыг зүүнэ.

Оёдол автал хөхөндөө ус хүргэж болохгүй.

БҮСГҮЙЧҮҮД ЗУНЫ БЭЛТГЭЛДЭЭ АЛЬ ХЭДИЙН ОРЖ, ХӨХНИЙ МЭС ЗАСЛЫН ЭРЭЛТ ИХСЭЖ БАЙНА

БҮСГҮЙЧҮҮД ЗУНЫ БЭЛТГЭЛДЭЭ АЛЬ ХЭДИЙН ОРЖ, ХӨХНИЙ МЭС ЗАСЛЫН ЭРЭЛТ ИХСЭЖ БАЙНА

Ажлын өдрүүдэд ч гэсэн фитнесс клубт дасгал хийж буй хүмүүсээр дүүрэн байна. Дасгалжуулагчын хэлж буйгаар хаврын улирал эхэлсэнтэй холбогдож фитнесс клубт бүртгүүлсэн хүмүүсийн тоо 3 дахин нэмэгдсэн байна. Хаврын шороон шуургатай хүйтэн өдрүүд үргэлжилж байгаа ч энэ бүх хүн зуны бэлтгэлдээ хэдий нь орсон нь энэ билээ.

Цаг үеийн онцлогоос шалтгаалан өөртөө итгэлтэйгээр задгай хувцсалтатыг сонгох бүсгүйчүүд ч мөн ихсэх болсон. Тэр ч утгаараа бүсгүйчүүд маань нүүр царайндаа анхаарал тавьдаг шигээ биеийн галбиртаа ч гэсэн ихэд анхаарах болжээ. Тиймээс хөх томруулах мэс засал хийлгэхээр гоо сайхны эмнэлгийг зорих бүсгүйчүүдийн тоо орчин үед ихээр нэмэгдэх болжээ.

Хөхний мэс засал нь томруулах болон, жижигрүүлэх 2 төрөл байдаг бөгөөд энэ дундаас хөх томруулах мэс заслын эрэлт хамгийн их байдаг. Хөх нь биеийн галбирт маш чухал үүрэг гүйцэтгэж, хувцаслалтанд ч гэсэн нөлөө үзүүлдэг. Тиймээс ч жижиг хөхөндөө санаа зовох бүсгүйчүүд их байдаг бөгөөд зун болох тусам улам биеийн галбиртаа санаа зовох нь ихэсдэг.

Хөх томруулах мэс засал хийлгэхээр төлөвлөж буй Ли Ми Гён /24н/ нь “Манай найзууд намайг жижигхэн хөхтэй гэж их дооглодог. Бас усны хувцас мэтийн биеийн галбираа гаргасан хувцас өмсөхдөө хөхнөөсөө болж их стерсс авдаг байсан. Тиймээс илүү өөртөө итгэлтэй болохын тулд хөх томруулах мэс засал хийлгэхээр шийдсэн” гэжээ. Хөхний мэс заслын дараах эдгэрэх явц, үр дүн бүрэн гарах хугацааг тооцож үзвэл зун илүү гоё хөхтэй байхын тулд өвөл, хавар мэс засал хийлгэхэд яг тохиромжтой.Мэдээж хөх томруулах мэс засал хийлгэхийг хүссэн ч мэс заслын дараа үүсч болох сөрөг нөлөөнөөс айж буй бүсгүйчүүд ч их байдаг.

Опера гоо сайхны эмнэлгийн Ким Сог Хан ерөнхий эмч “хавар болоод хөхний мэс заслын зөвлөгөө авах, мэс засал хийлгэх бүсгүйчүүдийн тоо нэмэгдэж байгаа” бөгөөд “хөхний мэс засал нь мэс заслын өмөн мэргэжлийн эмчээс хангалттай зөвлөгөө авч, сайтар зөвшилцсөний дараа ямар имплант сонгох, ямар аргаар мэс заслаа хийлгэх зэргээ шийдэх хэрэгтэй” гэж зөвлөсөн байна. Ким ерөнхий эмч нь манай эмнэлэг дурангийн аппарат ашиглан мэс заслаа илүү нарвийчлан хийхийн сацуу, мэс заслын дараах эмчилгээ зэргийг мэргэжлийн түвшинд хийж мэс заслын дараах сөрөг нөлөө үүсгэхгүй байхыг хичээж байгаа тухайгаа хэлжээ.

www.kmib.co.kr  The kookmin daily Парк Жү Ху

ЭРЧҮҮДИЙН 70 ХУВЬ НЬ ЭХНЭРИЙНХЭЭ ХӨХИЙГ “В”-С ДЭЭШ РАЗМЕРТАЙ БАЙГААСАЙ ГЭЖ БОДДОГ

ЭРЧҮҮДИЙН 70 ХУВЬ НЬ ЭХНЭРИЙНХЭЭ ХӨХИЙГ “В”-С ДЭЭШ РАЗМЕРТАЙ БАЙГААСАЙ ГЭЖ БОДДОГ

Солонгос дахь судалгаагаар авч үзвэл жиг 35000 гаруй эмэгтэй хөх томруулах мэс засал эсвэл мэс ажилбар хийлэгдэг гэсэн тоо гарсан байна. Солонгосын нэгэн гэрлэлт зуучлалын компаний хийсэн санал асуулгаар эрчүүдийн 60 хувь нь “эсрэг хүйстэнийхээ царай болон биеийн галбирын алийг нь чухалд тавьдаг” талаар асуултын биеийн галбирыг сонгосон байна. Түүнчлэн хөхний хэмжээний талаарх асуултад нийт эрчүүдийн 69 хувь нь “жижигхэн хөхнөөс илүүтэйгээр “В”-с дээш размерын том хөхийг илүүд үздэг гэж хариулжээ.

Дэлхийн нийт эмэгтэйчүүдийн дундаж хөхний размер нь “В” байдаг боловч манай улсын нийт эмэгтэйчүүдийн хөхний дундаж размер “А” байдаг бөгөөд орчин үед зөвхөн эрчүүд ч биш эмэгтэйчүүд ч гэсэн европ галбирын биеийг илүүд үзэх болсон билээ. Үүнтэй холбоотойгоор бүсгүйчүүдийн хөхний мэс засал хийлгэх тохиолдол ч эрс ихсэх болсон гэж ойлгож болно.

Опера гоосайхны эмнэлгийн ерөхний эмч Ким Сог Ханы хэлсэнээр “Хөхний мэс засал хийлгэхээр ирж байгаа бүсгүйчүүдийн ихэнх нь дүүрэн В размер эсвэл С болон түүнээс ч том размерийн хөхтэй болохыг хүсдэг болсон боловч хөхний мэс засал хийхдээ өөрийн цээжний өргөн, биеийн галбиртаа тохируулан эмчтэйгээ сайтар зөвлөж байж хөхнийхээ хэмжээг тогтоох нь чухал” гэжээ.

Хүн бүрийн биеийн галбир өөр байдаг учир хөхний хэлбэр хэмжээ ч өөр өөр байдаг. Тиймээс ч зөвхөн хэмжээнд анхаарлаа хандуулах бус өөрийн биеийн онцлогт хамгийн зөв тохирохуйц, төрлөхийн мэт хэлбэр хэмжээтэй хөхийг хийлгэх нь хамгийн чухал. Мөн мэс заслын үед ашиглах имплантын хэлбэрийг ч өөрийн онцлогт тааруулан сонгох хэрэгтэй.

Хөхний имплант нь хэлбэрийн хувьд бөөрөнхий, усан дусал гэсэн 2 төрөл байдаг бөгөөд матриалын хувьд гөлгөр, барзгар, микротекстур гэсэн 3 ямзны имплантыг хамгийн өргөнөөр хэрэглэдэг. Эдгээр нь бүгд өөр өөрийн онцлогтой байдаг. Жишээлбэл усан дусал имплантын хэлбэр нь хүний төрлөхийн хөхний хэлбэртэй маш төстэй байдаг бөгөөд хэлбэрээ барьж байхын тулд бага зэргийн хатуу байдаг. Харин бөөрөнхий имплант арай зөөлөн байдаг ч хэлбэрийн хувьд усан дусал имплантыг гүйцэхгүй. Микротекстур имплант нь маш зөөлөн байдаг бөгөөд хүний хөдөлгөөнийг дагаж хөдөлж чаддаг тул яг төрлөхийн мэт болж чаддаг.

Мөн зөвхөн имплант ч биш мэс заслын арга барил ч гэсэн чухал байдаг. Имплантийг ихэвчлэн хөхний булчирхай эсвэл цээжний булчингийн доор байрлуулдаг. Харин арай орчин үеийн техник болох дуалплан аргаар мэс засал хийхэд имплантын байрлалыг чөлөөтэй сонгож болдог.

Эцэст нь хөхний мэс засал хийлгэхээр бодож байгаа бол өөрөө дур мэдэн шийдэхээс илүүтэйгээр олон жилийн туршлагатай мэргэжлийн гоо сайхны мэс заслын эмчийн зөвөлсөнөөр өөрийн биеийн онцлогт хамгийн тохиромжтой мэс заслын арга, хөхний имплантаа сонгоорой.